Hannibal Mejbri Perforamance Today vs Bristol City

حشاه لروحو كيف جا يلعب مع المنتخب شلكوه شوهوه في اقل من عام يقعدو بيه في البرامج ولاو لكلها تاجر باسمو صفحات برامج راديو يوتيوب..المرتزقة لكل عاملة من اسمو باتيندا..ملخصاتو قداش تعمل مشاهدات مقارنة بغيرو من الاعبين..و الي يتفرجو اغلبهم يكرهوه و يدخلو يسبو حتى كان قدم مردود باهي..الاغلبية تستنالو فاها..
لبارح الي يسميو فيه الهداف التاريخي للمنتخب لا احترم تاريخو لا قدرو لا عمرو قاعد بيه مع كالجربوع الهادي زعيم..تذكرش روحو كيف كان في عمرو ما حطش ولدو في بلاصتو و قال لا ملاعبي مازال في أول كاريارو مايجيش نضرو..لا هو ولا يقبض في الفلوس باش يقولهم كالكلمتين عليه من بلاتو لبلاتو..على خاطرو حسودي و معقد..
ان شاءالله الغربي ما يغلطش غلطتو راهي بلاد متاع تكسير خلايق..كيف تبدأ مش تابعهم يقدروك و كيف تولي تابعهم يعفسوك..راهو شعب لا فلح لا خلا شكون فلح و الي فيه شويا نور مهمتهم يطفيوه..
شوف رفيعة كيفاش جا للمنتخب و توا كيفنو..و هاو شادين في حنبعل توا الي حرفيا قاعد يحارب باش مايأثروش عليه..
هو حال البلاد عموما انعكاس للشعب متاعو. بلاد فاشلة و قاعدة تمشي و توخر في كل شي..و هذا على خاطر شعبها فاشل و حتى شويا اخلاق و مبادى يستر باها وجهو ما عندوش..و هكا حتى ربي ما يجيب منا في حتى شي. لا هوند لا فوت لا باسكات لا فوللي..قعد الأمل في الرياضات الفردية الي حتى الشعب المريض يحب يقضي عليها..انس جابر تتسب كيف تخسر و يكرهوها على خاطر أصلها و انتماءها الرياضي..المللولي شاكيين بيه..مالك الجزيري موضوع تنمر..حبيبة الغريبي باها و علاها…و جاي في المستقبل هجمات على الحفناوي و غيرهم من الشباب الي يكلت على روحو..
الله يتولاهم لكل وكهو

🥰🥰

Allah yberek fih, 9adem mardoud behi. Inchallah ywasel hekka w nchofouh fi mostawa 3ali